جۇڭگو ئېلېكتر ئېنېرگىيە كېڭىشىنىڭ ئەڭ يېڭى سانلىق مەلۇماتلىرىغا قارىغاندا، بۇ يىلنىڭ دەسلەپكى يەتتە ئېيىدا توك ئىشلىتىش مىقدارى ئۆتكەن يىلنىڭ ئوخشاش مەزگىلىگە سېلىشتۇرغاندا %15.6 ئېشىپ، 4 تىرىليون 700 مىليارد كىلوۋات سائەتكە يەتكەن.
مۇتەخەسىسلەرنىڭ دۈشەنبە كۈنى بىلدۈرۈشىچە، ھۆكۈمەتنىڭ كۆمۈر باھاسىنىڭ ئۆرلىشىنى كونترول قىلىش ۋە ئېلېكتر ئىستانسىلىرىنىڭ كۆمۈر تەمىناتىنى ياخشىلاش ئۈچۈن قىلغان تىرىشچانلىقلىرى ئېلېكتر ئېنېرگىيەسى تەمىناتى ۋە ئېھتىياج ئەھۋالىنى ياخشىلىشى مۇمكىن بولغاچقا، جۇڭگونىڭ بىر قىسىم رايونلىرىدا توك ئىشلىتىشنى كونترول قىلىشنىڭ يېنىكلىشى مۆلچەرلەنمەكتە.
ئۇلار يەنە، جۇڭگو كاربون تۆت ئوكسىد قويۇپ بېرىش نىشانىغا بولغان ۋەدىسىنى ئەمەلگە ئاشۇرۇش ئۈچۈن تېخىمۇ يېشىل ئېلېكتر ئېنېرگىيەسىگە قاراپ ئىلگىرىلىگەندە، ئاخىرىدا ئېلېكتر ئېنېرگىيەسى بىلەن تەمىنلەش، كاربون تۆت ئوكسىد قويۇپ بېرىشنى كونترول قىلىش ۋە ئىقتىسادىي ئېشىش نىشانلىرى ئارىسىدا تېخىمۇ ياخشى تەڭپۇڭلۇققا ئېرىشىلىدىغانلىقىنى ئېيتتى.
زاۋۇتلاردا توك ئىشلىتىشنى ئازايتىش تەدبىرلىرى ھازىر 10 ئۆلكە دەرىجىلىك رايوندا يولغا قويۇلۇۋاتىدۇ، بۇنىڭ ئىچىدە جياڭسۇ، گۇاڭدۇڭ ۋە جېجياڭ ئۆلكىلىرىنىڭ ئىقتىسادىي كۈچلۈك رايونلىرىمۇ بار.
توك بىلەن تەمىنلەش مەسىلىسى جۇڭگونىڭ شەرقىي شىمالىدىكى بەزى ئائىلە ئىشلەتكۈچىلىرىنىڭ توكسىز قېلىشىغا سەۋەب بولدى.
«پۈتۈن مەملىكەت مىقياسىدا مەلۇم دەرىجىدە توك يېتىشمەسلىكى مەۋجۇت، بۇنىڭ ئاساسلىق سەۋەبى ئىقتىسادنىڭ بالدۇرراق ئەسلىگە كېلىشى ۋە ئېنېرگىيە كۆپ ئىشلىتىلىدىغان مەھسۇلاتلار باھاسىنىڭ ئۆرلىشى سەۋەبىدىن توكقا بولغان ئېھتىياجنىڭ ئېشىشىنىڭ مۆلچەردىكىدىن ئېشىپ كېتىشىدۇر» دېدى شيامېن ئۇنىۋېرسىتېتى جۇڭگو ئېنېرگىيە ئىقتىسادى تەتقىقات مەركىزىنىڭ مۇدىرى لىن بوچياڭ.
«دائىرىلەرنىڭ كۆمۈر ئېنېرگىيەسى بىلەن تەمىنلەشنى كاپالەتلەندۈرۈش ۋە كۆمۈر باھاسىنىڭ ئۆرلىشىنى توسۇش ئۈچۈن تېخىمۇ كۆپ تەدبىر قوللىنىشى كۈتۈلگەچكە، ۋەزىيەت ئۆزگىرىپ كېتىدۇ».
جۇڭگو ئېلېكتر ئېنېرگىيە كېڭىشىنىڭ ئەڭ يېڭى سانلىق مەلۇماتلىرىغا قارىغاندا، بۇ يىلنىڭ دەسلەپكى يەتتە ئېيىدا توك ئىشلىتىش مىقدارى ئوخشاش مەزگىلدىكىدىن %15.6 ئېشىپ، 4 تىرىليون 700 مىليارد كىلوۋات سائەتكە يەتكەن.
دۆلەتلىك ئېنېرگىيە ئىدارىسى كېلەر قىش ۋە باھار پەسلىدە، بولۇپمۇ ئېلېكتر ئېنېرگىيەسى ئىشلەپچىقىرىش ۋە ئائىلىلەرنى ئىسسىتىش ئۈچۈن يېتەرلىك كۆمۈر ۋە گاز تەمىناتىغا كاپالەتلىك قىلىش توغرىسىدا يىغىن ئاچتى.
لىننىڭ ئېيتىشىچە، پولات ۋە رەڭلىك مېتال قاتارلىق ئېنېرگىيە سەرپىياتى يۇقىرى مەھسۇلاتلارنىڭ باھاسىنىڭ شىددەت بىلەن ئۆرلىشى ئېلېكتر ئېنېرگىيەسىگە بولغان ئېھتىياجنىڭ تېز ئېشىشىغا تۈرتكە بولغان.
شىمالىي جۇڭگو ئېلېكتر ئېنېرگىيە ئۇنىۋېرسىتېتى ئېنېرگىيە ئىنتېرنېتى تەتقىقات مەركىزىنىڭ باشلىقى زېڭ مىڭنىڭ ئېيتىشىچە، مەركىزىي ھۆكۈمەتلەر كۆمۈر تەمىناتىنى كاپالەتلەندۈرۈش ۋە كۆمۈر باھاسىنى مۇقىملاشتۇرۇش تەدبىرلىرىنى قوللىنىشقا باشلىغان.
زېڭنىڭ ئېيتىشىچە، پاكىز ۋە يېڭى ئېنېرگىيە جۇڭگونىڭ ئېنېرگىيە قۇرۇلمىسىدا كۆمۈرگە قارىغاندا تېخىمۇ چوڭ ۋە ئۇزۇن مۇددەتلىك رول ئوينايدىغان بولغاچقا، كۆمۈر يېقىلغۇلۇق ئېنېرگىيە ئاساسىي يۈك ئېھتىياجىنى قاندۇرۇش ئۈچۈن ئەمەس، بەلكى تورنى تەڭپۇڭلاشتۇرۇش ئۈچۈن ئىشلىتىلىدۇ.
ئېلان قىلىنغان ۋاقىت: 2021-يىلى 9-ئاينىڭ 28-كۈنى
